Napoli ka vazhduar në raundin e ardhshëm të UEFA Evropa Ligës pavarësisht disfatës mbrëmjen e sotme (e enjte).

Edhe pse gjetën epërsinë të parët në takimin e dytë në kuadër të xhiros së 1/16-ës në kompeticionin e dytë më të madh evropian, gjiganti italian u mposhtë me përmbysje në Austri nga Red Bull Salzburgu, shkruan portali arbresh.info.

Areek Milik realizoi golin e epërsisë për mysafirët (14′), por Munas Dabbur barazoi gjithçka vetëm dhjetë minuta më vonë duke shënuar për 1 me 1.

Golin e epërsisë e realizoi gjatë pjesës së dytë Fredrik Gulbrandsen, por skuadra austriake u eliminua si pasojë e disfatës së thellë 3 me 0 të pësuar në takimin e parë në Itali edhe pse gjeti portën edhe me anë të Christoph Leitgeb në minutat shtesë.

Ndeshja përfundoi me rezultat të përgjithshëm3 me 4 në favor të skuadrës së trajnerit Carlo Ancelotti.

Mbrojtësi shqiptar Elseid Hysaj ishte pjesë e formacionit startues dhe e mbylli takimin me 90 minuta lojë./arbresh.info/